夏日嚴嚴,人嘅心情就好似街上嘅大太陽一樣咁好呀!但係你地會唔會因為夏天天氣熱濕度高就對皮膚護理得過且過或者根本用錯左保養方法?咁樣就好容易令夏季常見嘅皮膚問題通通走出黎,例如面油,缺水,敏感等等!

 

  等我地俾番幾個夏日小貼士大家啦~!

 

  第一,水油平衡係非常非常之重要嫁~對於油性肌膚,一進入夏季,就會明顯感覺到臉上嘅油脂,而大部分人所屬嘅混合性肌膚都會感到T字位特別容易出油。面部出油過多,除左感覺黏膩,膚色睇落去都會比較暗沉嫁!所以保濕方面一定要做好D~選擇保濕產品嘅時候,要注意兩類成分:一類係「抓水」,例如透明質酸、膠原蛋白、補水因子,佢地可以牢牢抓緊空氣中嘅水分黎幫皮膚保濕;第二類係「鎖水」,姐係適量嘅油分,鎖住皮膚細胞內嘅水分~亦可以選擇清爽嘅啫喱狀或乳液狀質地嘅保濕產品,咁就唔會為肌膚帶黎負擔喇~

 

 

  第二,夏天每日化妝加上流汗好容易令毛孔堵塞,形成黑頭粉刺,但用手擠壓只會令黑頭愈來愈嚴重,成日用手擠黑頭會增加皮膚發炎同細菌感染嘅機會,長期擠壓更加有可能令毛孔擴張同鬆弛,令毛孔望落去都粗大過人!使用能夠刺激皮膚中膠原組織增生嘅護膚品,預防肌膚老化先至係最正確嘅選擇~除了使用保養品之外,使用一D可以令皮膚表面平滑、填補凹洞嘅護膚品、粉底都得嫁~最最最緊要就係使用一D有收毛孔功效嘅產品喇~防患於未然嘛~

 

 

  第三,各式各樣嘅激光療程大行其道,尤其係日曬出斑後,大家就更加心急將色斑殲滅!但係係炎夏進行激光療程之後,就要更加小心咁護理皮膚,以免強度高嘅紫外線引發皮膚反黑,影響療程效果。若果本身皮膚比較乾,就應該使用無泡配方嘅潔面產品,同時使用含有透明質酸及維他命B5嘅保濕產品,更加重要嘅係每日使用SPF 30防曬,好好保護我地嘅肌膚~